PROJECT 4+2 - WEM Media

今次來自新加玻的AAW同波蘭的Custom Art 嚟咗一次市場久違的crossover，一齊設計咗隻神奇的耳機 —— Project 4+2。Project 4+2 由AAW負責組裝與結構設計，CUSTOM ART負責調音，雖然 Project 4+2 只係賣幾千蚊，但就非常有誠意，用咗好多高級的技術調音，可以一次過試曬兩家的耍家功夫。

包裝

包裝有一個位我非常之欣賞，就係擺放耳機的位置是特地用了兩種海綿 —— 直接接觸機身的特地用了內層海綿非常柔軟，防止刮花機身；另外是外層用上傳統的硬身，支撐整個包裝盒。這種細心是我第一次看到的。

Project 4+2是一款動鐵耳機。在動鐵方面，總共有4顆單元，分別有1顆中音、2顆中高和1顆NOVA™ Driver；而動圈用上兩組石墨烯動圈；所以耳機名字的4和2就是對應着動鐵和動圈單元的數目。

革命性平阻抗耳機技術 Fibae™

在耳機的內部線路方面，則是Custom Art 革命性平阻抗耳機技術 Fibae™主導。其實在耳機系統中，播放器的輸出阻抗會影響耳機在不同頻段的發揮，而動鐵耳機同混合單元耳機尤其敏感，大家可以試下把耳機插到舊小小的筆記本電腦，會發現會朦到一個點。

由於一般耳機的阻抗值是參考1kHz，阻抗在各個頻段都會有高低改變。Custom Art 的 Fibae™ 透過用電感電路控制耳機阻抗，可以做到在20-10Khz耳機阻抗無太大變化，曲線平整，確保各頻段耳機輸出一致性，配撘不同的播放器都能發揮耳機最佳的性能。

Project 4+2 提供了三組BassFlow™ 低頻控制模組，用家可因應個人音色偏好，透過更換模組調節腔體空氣量改變低音量感。模組有三款，分別的「低音」、「正常」和「人聲」，三款的聲音會在後面討論。

外觀

Project 4+2 的外殼做得非常精緻。坦白講，我完全唔覺得Project 4+2係3D打印出來的。我曾經也有接觸過其他品牌的3D打印耳機，但是明顯地看得出不是傳統的方法造出來的，最大的特點是較輕身和機身質量感覺沒有那麼扎實，表面有點疙瘩般，又好像是用了密度較低的膠一般；但Project 4+2的機身平滑，也覺得膠的密度像正常一般，跟傳統造出來的一樣。

面版有幾正也唔講咁多了，下面自己睇相啦！XD

音色

Project 4+2 整體平均，音色偏溫潤，斯斯文文。呢隻耳機的音場是橫向的橢圓形，雖然話未去到超級大，係表現都相當唔錯，加上分離度高和層次感好，大場面都處理得唔錯。而且三頻的密度都唔錯，唔會有好「削」的感覺，結像清晰，邊緣無毛刺，圈和鐵的銜接也很不錯，音色順滑。

先講一下在「標準」模組下的表現：所有的東西都四平八穩，高音雖然有延伸但並不響亮，主要的能量感是放在中音，但是中音的線條也不是非常突出；低頻有下潛有量感，但遠遠不是主角。如果前端是溫暖的聲音來的感覺則是高音有點暗，少少中音太厚的感覺。雖然四平八穩，但整個搭配下來並沒有太亮眼之處。若果前端的聲音較為刺激或者偏向中高頻，線條感及速度感有明顯改善，表現出來的分析力及細緻度可以跟高階機一拼。我覺得可能係因為這樣的前端能夠更好的發揮NOVA™ Driver實力。

接著講一下「低音」模組：其實我個人幾鍾意呢一組的聲音。原本平整的聲音出現了相當大的改變 —— 低頻的量感明顯增加。睇嚟廠方對呢set模組的調教非常是有功力，因為喺聽返啲冇咩低頻嘅歌嗰陣時，其實唔係好覺到個低音有增強度，係聽番啲band生嗰陣先發現低音的能量填滿咗成個空間，換言之換咗低音模組之後其實會唔會太影響中高音的表現。我用咗LiSa首「紅蓮華」(原版)嚟試，雖然係把聲唔係話好出，但背景樂器的低頻表現亮眼，樂器的細節表現得更多，而且低頻的量再多也不會幹擾到佢把聲的位置。幾鍾意用呢一些模組搭配控制的好的高階播放器，例如P6 Pro 或者 DX300，可以做到低頻飽滿得來，中高的聲音也保持得到。

最後講一下「人聲」模組。其實我覺得呢set比起原本的聲音再「平衡」一點。「人聲」模組與低音相反，犧牲少少低音量感換取較為亮的中高音。樂器聲變得好清晰，尤其係木結他的表現，每一下都散發住空氣感，令人耳前一亮。另一方面，雖然高音的表現改善了，也不會因此而降低整體聲音的密度，人聲的口型收細咗啲，反而更加緊緻。

其實三組模組聽下來，質素大家都差唔多，真係純粹係低音個比例唔同咋，而高音的量感就一向都幾穩定，唔會話用「低音」模組就好矇查查，或者用「人聲」模組就太過尖聲。所以換模組就真係視乎自己口味，我自己就幾意「低音」同埋「標準」模組，鐘意前者係因為幾過癮，後者就因為就易同唔同的組合夾聲。

Project 4+2對耳機線同埋耳膠都幾敏感，我換咗條Brise Audio 的NAOBI-LE 同埋ERUA 的MIRO 去試。小弟之前都講過，MIRO好夾圈鐵，所以先會特登揀佢出來試，插咗MIRO 後，成個高音即刻好出，人聲啲口水聲呀都好清楚，咁個女聲清得來雖然有少少年輕化，但都個感覺都係潤澤嘅。我覺得用NAOBI-LE 的話，就會係「低音」模組下配合得幾好，NAOBI-LE 超強的分析力配合埋強勁的低頻聽流行音樂一流。

耳膠方面，用07會衝啲剌激啲；用Dot++就音場闊啲同華麗啲；用nForm就會收實個低頻同埋高頻會收咗啲毛燥。大家可以試下咁玩：用「人聲」模組後再用nForm或者耳綿，咁就得到延伸好好的高音同埋唔刺耳的聲音啦。

總結

其實真係好耐冇見過有唔同廠商crossover啦，今次仲要係咁出名的兩間大廠聯手，對我地呢啲玩家嚟講真係可遇不可求。今次Project 4+2 比我覺得做得相當有誠意，有三個原因：非常漂亮的外觀，平衡健康的聲音以及可換模組的有趣設計。

今次最大的的感觸係我總覺得而家個行業真係好進步。我同廠家方面了解咗，今次產品的設計過程有好大的比例都是在研究以前的模擬完成。比起以前以人耳為主，數據測量為輔的研發方式，無論是精準度或是效率都大有提升，時間及金錢成本也大大降低，最後受益的也是我們消費者。對於大廠crossover同埋高科技設計，我都只係想講： Come on baby! I am ready for it!

建議零售價: $5,999