Luxury & Precision P6 Pro <<灰曜石版>>
R2R解碼技術，應該係近期最迅速普及，並且放到去便攜器材上使用嘅舊世代技術來。市場同類產品越來越多，每間廠商都擁有自家設計令呢個技術玩得更加出神入化，將傳統R2R嘅弱點補強，加入多種現代功能來配合現役玩家，可以逐漸睇到呢款解碼拓展到非常多元化。
而作為先驅，將R2R技術放到便攜使用嘅Luxury & Precision（樂彼），對住呢啲新產品，唔單止無腳軟，仲keep住係旗艦價位出新機添，最重要係，都一樣咁多人去支持喎！究竟係咩野驅使佢地咁齊心呢？係愛？
咁就當然唔止愛啦，一齊來睇睇樂彼 P系列最新offer – P6 Pro 灰曜石版，睇下佢有咩咁吸引吧。
上個網一查關於R2R嘅產品或者文章，好多時你都會見到幾個關鍵字：「電阻精度」、「全分立式」、「FPGA」、「自然度」等等，其實係代表緊啲咩呢？只要你大概明白呢幾個詞背後所代表嘅意思，就會更容易明白樂彼嘅實力同決心。
首先，有全分立式，係米就有整合式嘅R2R晶片？答案係，無錯，的確係有整合式嘅，比較出名嘅就有PCM1704同PCM63，但因為成本同製作複雜嘅關係，已經停產，有炒價之餘存量亦非常小，所以近年來製作R2R DAC嘅廠商都偏向使用分立式設計來搭建自家R2R DAC（當然亦有廠商沿用1704）。
分立式設計嘅好處係，係零組件使用上彈性更大，亦可以根據預想嘅聲音走向來微調唔同部件參數，來得出一個完全不同嘅效果。而你常常係R2R電路圖見到嘅個一排電阻，就係呢種分立式設計嘅主軸，電阻網絡。R2R嘅訊號處理就係靠呢一排電阻嘅開同關，來將電子訊號轉換為類比訊號，所以每一粒電阻嘅阻值精確度非常重要，通常亦係R2R機體硬件上成本最貴嘅一個部份。
電子零件增加，加上音樂檔案嘅格式越來越多，仲有唔同嘅現代功能如藍牙、USB解碼嘅輸出同輸入等等，呢一堆各自有唔同工作頻率嘅東西需要一個運算單位來控制、分工、將所有部件調整到同步，呢項工作，就係FPGA嘅主要價值。FPGA負責嘅事情甚多，小至藍牙訊號處理，大至成部機零組件嘅主時鐘訊號，都係交由呢粒晶片負責，就尤如我地嘅大腦需要協調五官四肢等等等等；最重要嘅，就係將音源檔案轉化為電子訊號，呢個轉換，就非常考驗粒FPGA嘅運算能力，同埋背後負責FPGA編程嘅團隊實力啦。
P6 Pro嘅建構，就係根據上面每一部份所講嘅情況來做強化，仲加上左樂彼一啲電路設計上嘅加成，來達成一部參數非常現代化，同時擁有旗艦音質嘅機體。
FPGA：硬件性能強嘅FPGA晶片並不代表聲音就會好，實際上呢個只係一個基礎；高容量高tap數嘅FPGA，容許廠方編寫更複雜嘅濾波同訊號算法，而樂彼就活用左呢個彈性，加入7項唔同功能，負責全分立R2R DAC嘅訊號基礎、提供多種濾波器設置、同時作為主時鐘源協調唔同嘅電子零件。更重要嘅係，P6 Pro FPGA仲提供唔同嘅DSP設定，用來加強唔同型號耳機嘅聽感添。FPGA算法加強，加上完全對應R2R 網絡嘅濾波設置，令P6 Pro效能更加強勁，就以訊噪比而言，就由P6嘅-123dB上升到P6 Pro嘅-125dB，數字上只係差3dB但實際效能差距，其實有兩倍咁多。呢個亦係P6 Pro背景純淨度同動態表現都大幅提高嘅原因。
2R電阻網絡：因為阻值精度非常重要，所以樂後特別挑選精度達到萬分之一嘅電阻來搭建網絡，打左一個好穩定嘅基礎。
無損矩陣音量控制系統：樂彼獨特嘅音量系統，以P6嘅設計基礎強化而成，主要優勢就係訊號保留更完整，失真更低。
三者相輔相成，加上重新設計嘅高動態耳擴電路，輸出大左去到5.2Vrms，驅動彈性都好好多嘅，往時會有微量底噪嘅耳機，來到P6 Pro上都唔多覺了。
界面功能方面，P6 Pro係用上自家LP OS，服務聲音為主，所以功能上相對簡單，但呢部機仍然有提供藍牙接收嘅，支援LDAC同aptX編碼，仲可以俾你經USB輸入訊號，或者用P6 Pro作為前端，同SPDIF同軸方式輸出訊號去其他機度架。
至於現行嘅P6 Pro黑金版同灰曜石版嘅最大分別，最直觀嘅就係外殼顏色，同時，樂彼亦都為兩部機設計左兩種唔同調音。灰曜石版就有近似P6嘅調音，以下就等我同大家分享下有咩差異啦。
聽感比較
今次我就用一對MEST HK Special+，來試一試佢地嘅真面目！
P6
作為全球第一部R2R便攜機，其實佢嘅聲音同現今市場唔太接軌，當間間廠都追求極致分析力同極高極低嘅動態表現，P6就做返有點昏黃感，有點兒復古嘅音色。自然流暢，係對呢部機嘅第一印象，言而就算係對比現役嘅R2R便攜機，調音都有過人之處，尤其係樂器光澤嘅表現方式，唔係亮度有幾強，而係聲音厚度同活力，係可以同時出現，延伸收放自如，因此佢嘅樂器聽感係特別吸引。
低音嘅層次係明顯嘅，有潮水拍岸個種擴散感，不過打擊力度同厚度未算係好突出。雖然並非主軸，但都襯托左一個好線性流動嘅中低音過渡，係真係好順暢同有深度。相信亦係好多發燒友會中嘅原因之一。
P6 Pro 黑金版
會明顯聽到幾個方面嘅提升。首先厚度嘅層次更加多，用saxophone嘅表現來講呀，係P6上面係聽到係有厚度、有金屬感，但對比P6 Pro之下，後者會表現出更加多黃銅嘅質感，甚至吹嘴嘅氣音亦都能夠俾你聽到，無論係動態、微細節，都係P6 Pro表現得更好：呢個表現方式，就令到不同樂器同人聲嘅形態更加立體。
推力加強，令整個音樂重播嘅抑揚頓挫更加豐富，速度感強左，收放迅捷左，個中高亦都有返個種衝上頂嘅效果，尤其係MEST個粒靜電同骨傳導嘅配合之下，延伸唔係單單量有增加，而係瞬間爆發嘅力度同慢慢消逝嘅幅度更加強烈，於是乎成個空間係更加多野聽，仲好華麗添。
P6 Pro 灰曜石版
第一耳，調音係暖身啲，質感再厚啲，不過因為呢個質感厚薄表現嘅對比更大，加上分析力仍然穩健，重播人聲為主嘅歌曲時，就會反映出更多歌者嘅歌唱技巧，男聲嘅喉底更有質感同沉穩；廣音域嘅女聲例如Adele，就會有一個更加完整嘅表達。
係某啲歌曲上聽感會更加有個種自然感，但起伏就較弱，同時若果你係喜歡聽快歌嘅話，黑金版會更加適合；不過若果你聽返8-90年代嘅搖滾樂，我覺得就兩睇了，好似我咁，真係追求更加深嘅analog味，想要多啲迴盪同混響，同時又要keep住有靚嘅結像同線條，咁灰曜石版會係你杯茶。
音場表現，三者中深度係黑金版最好，P6就無咁強嘅邊界效果所以感覺上會闊身啲，灰曜石版嘅就係兩者中間，無好強好實在嘅邊界，但亦都唔會有壓逼感，個種厚聲其實只係質感上，件頭大細好平衡的。
總結
樂彼嘅產品一向都係為音樂服務，專注係帶來市場最高音質嘅目標，所以每一年新產品offer都有好多人追捧就係咁解，而呢個實力表現，再加上R2R得天獨厚嘅聽感優勢，基本上樂彼同音質呢個criteria係絕對掛勾嘅。
而P6 Pro兩個版本嘅推出，就更加顯示到樂彼嘅調音實力，完全壓榨出呢種解碼嘅潛在實力，新機嘅功能性亦追得返上市場需要，若果你想要搵一部音質最強嘅便攜機，P6 Pro當之無愧。只係要揀邊個版本，都係一個幾傷腦筋嘅事情來。
基本參數
產品型號: P6Pro
機器尺寸: 20X67.3X124mm
顯示幕: "3.5英寸,IPS電容觸控式螢幕"
解析度: 480*320
機身材質: 航空鋁
後蓋: 花梨木
主控: 1812C
DAC: 全分立式 R2R 解碼
晶振: 超低相噪 -160db 有源晶振
運放: EXCELS V-O
耳放: EXCELS EP-AS
電源管理晶片: AXP192
電感: 超低內阻大電流金屬合金電感
按鍵: ALPS
容量: 64GB 24 BIT ECC FLASH
最大支援擴展容量: 1TB micro SD card (TF)
電池類型: 鋰電池
電池容量: 4000mA/H
使用充電器規格: 直流電壓輸入範圍4.8-5.5v，電源適配器最大輸出電流建議使用2A及以上的適配器（相容快充頭）
續航時間: 15小時(滅屏正常音量播非高碼率檔單端輸出情況下)
配件: 數據線
適配耳機阻抗: 8-300ohm
EQ調節: 6種風格調節
HP輸出: 2種增益模式調節
Dop SPDIF: 支持
數字濾波器設置: 6種濾波模式（含NOS）
輸出相位設置: 0度/180度
USB連接模式: MSC模式/Audio模式
USB DAC: 支持
USB Audio延時設置: 長延時模式/短延時模式
DSD解碼設置: 原生dsd模式 / DSD轉PCM模式（為了適配只支援D2P的解碼器
3.5mm單端線路輸出部分性能參數
信噪比: A Weighting） >125db(A Weighting）
動態範圍: >121db（A Weighting）
失真加雜訊: < 0.003% 頻率回應: 20Hz-20KHz +/- 0.8db
聲道分離度: > 98db 10K負載 單端線路輸出電平: 2.45Vrms/1.55Vrms/ 可切換設計
4.4mm平衡線路輸出部分性能參數
信噪比: >125.5db（A Weighting）
動態範圍: >121.5db （A Weighting）
失真加雜訊: < 0.003% 頻率回應: 20Hz-20KHz +/- 0.8db
聲道分離度: > 115db 10K負載
平衡線路輸出電平: 4.9Vrms/3.1Vrms/ 可切換設計
*** P6 PRO (HK) 5.2Vrms
P6Pro耳機輸出部分性能參數(3.5mm單端輸出)
最大輸出功率@ 16Ω 330mW （持續帶載功率)
最大輸出功率@ 32Ω 180mW （持續帶載功率)
最大輸出功率@300Ω 20mW （持續帶載功率)
信噪比 > 125db （A Weighting）
動態範圍: >121db （A Weighting）
失真加雜訊: < 0.003% @32? 負載
頻率回應: 20Hz-20KHz +/- 0.8db
輸出阻抗: 0.2歐姆
聲道分離度: > 75db @32? 負載
輸出電壓(最高音量): 高增益 2.45Vrms 低增益 1.55Vrms
P6Pro耳機輸出部分性能參數(4.4mm平衡輸出)
最大輸出功率@ 32Ω 700mW （暫態帶載功率)
最大輸出功率@ 64Ω 330mW （持續帶載功率)
最大輸出功率@100Ω 240mW （持續帶載功率)
最大輸出功率@300Ω 80mW （持續帶載功率)
信噪比: > 125.5db（A Weighting）
動態範圍: >121.5db（A Weighting）
失真加雜訊: < 0.003% 頻率回應: 20Hz-20KHz +/- 0.8db
輸出阻抗: 0.4歐姆 聲道分離度: > 113db 32歐負載
輸出電壓: 高增益 4.9Vrms 低增益 3.1Vrms
最高取樣速率支援: "PCM: 24bit 384KHz DSD: 11.2896MHz(DSD256)
支援音訊格式: APE AAC ALAC FLAC WAV MP3 WMA DFF DSF AIFF SACD-ISO
配件: P6Pro*1、USB-TYPEC數據線*1、說明書*1、保修卡*1
按鍵: 開關機\開鎖屏、返回、播放暫停、上\下曲、音量旋鈕鍵
音訊介面:
3.5mm單端耳機介面（可切換LO、PO、SPDIF）
4.4mm平衡耳機介面（可切換LO、PO）
USB-TYPEC介面 （可切換資料模式/USBDAC模式）
藍牙技術規格 藍牙版本: 5.0 支援的協定: LDAC、APTX、APTXHD、APTXLL、AAC、SBC
傳輸方向: P6Pro的藍牙為接收端
傳輸距離: 開闊空間無遮擋15米內
藍牙音訊時鐘源: 由FPGA產生的精准時鐘作為時鐘源
建議零售價：$31,888
Sponsored by CarveLink
[Facebook Group] : [WEM 本地耳機及音響交流區]
[MEWE Group] : [WEM 本地耳機及音響交流區]
[Facebook 專頁] : Facebook WEM Media
[WEM Media 網頁] : WEM Media
