迷你大系統 - Cayin C9
當Cayin初發佈C9這款耳擴時，我對佢萬分期待，因為本身有玩開耳擴嘅我已經十分留意佢嘅開發消息同新聞，之前只聞樓梯響，現實實在在放喺我面前，發現C9的誕生並不只是為了出一隻耳擴噤簡單，而係有一個重要嘅信息同理念要表達俾大家知，就係將：
HiFi的大系統迷利和終極化
隨著現今的耳機種類越出越多，對前端的要求也日漸有要求，隨了升級DAP之外（有些連一般的DAP也不能應付），外加一部隨身耳擴（Portable Amplifier）可算是一種現較為多人用的叧類選擇。何以講另類呢？便攜就便攜啦，一舊二舊拎出街有夠唔方便啦，仲會有可能俾人笑自己係Bomberman，又會可能俾人標籤自己係毒L等等因素，有違“便攜”呢兩個字嘅本意，噤何解唔少人仲會唔怕麻煩呢？原因好簡單，就係因為佢地：
對聲音嘅執著，對音質嘅要求
首先要了解一般便攜DAP的運作模式，就係：電源、音源、解碼、放大於一身的一部機器，所有操作都係集於一身，難免會分薄咗“電”嘅純正度，各功能互相各自操作，也難免會有干擾，再加上現代的DAP功能多多，耗電的情況也多咗未知素嘅分薄。 在HiFi系統的領域，“電”這個字是很重要的，佢地每一個功能都盡可能會獨立供電，慕求達到各自都分工做其工作，不會互相干擾，達致到聲音的純淨度和每個功能都可以獨立調較，可玩性（燒錢）程度也大大提升。而Cayin做C9的理念就是想將呢個大系統濃縮同正規地套入去便攜界的做法。
首先佢地有個嶄新功能：
Pre-In 模式
而呢個功能正正係HiFi界别入面嘅前後級玩法，C9會係最大Power輸出模式（後級），直通而繞過機內音量控制，只經最少線路情況下作出放大，而如果想較大細聲的話就要用可較大細聲嘅Lineout或者有一部真正可以做到Pre-out嘅機（前級）。而使用方面亦都見到Cayin深思之處，因考慮到用家可能會不小心啟動Pre-In之功能而會損害聽覺，所以特意用了雙重機制去啟動，首先在Panel面啪向(Pre)的字樣，之後要按住機側（Pre)字樣的小型按鈕三秒，這樣Pre-In的功能才正式啟動,喺呢個情況下C9的音量沒有功能的，因為C9已經處於Full Power輸出狀態，換句簡單易明嘅話說係已經最大聲，不能調較音量。呢個玩法喺便攜界係極之極之罕見，。。。而呢個做法個特點會係
~ 高度還原前級聲底，減少放大失真 ~
Line-In 模式
呢個模式係坊間最常見嘅一種放大方法，以C9作調較音量，DAP設置做Lineout模式並且較作最大音量（輸出）下進行播放音樂。特點係：
~ 具有C9放大的味道，Cayin調音之特色 ~
真空管模式
C9另一獨特之處莫過於自家獨有的平衡真空管放大模式。左右獨立放大，廠方修改了兩顆Korg Nutube 6P1的原電路，加入了適當的負回輸電路設計，令Korg Nutube 6P1新世代真空管發揮了極限，係現今便攜AMP前所未有，而呢個設計更加令到C9有更良好的速度感和透明度，而且在聲音的瞬態、延伸和細節表現上，都達到前所未有的表現。
電晶體模式
HiFi界别有膽也有石，電晶體可以叫做行石嘅線路，在測試後發覺電晶體模式嘅音樂清晰度同每粒音嘅夥粒感會更加突顯，爽快和音色更加之平衡，更具控制力。
雙輸入雙輸出
平衡4.4mm和單端3.5mm輸入適合現今DAP模式，鐘意玩平衡音色和單端可因應自己喜愛嘅器材/聲音而作出相應嘅輸入。雙輸出會因方便現今流行嘅輸出制式，亦都可以方便玩家現有嘅器材/線材/耳機。
High / Low Gain Mode
現今耳機種類眾多，對前端的要求也各有不同，高同低增益模式之設定便因應此而配合適當的設定。低增益（Low Gain Mode）比較適用於容易推動之耳機，例如全動鐵的耳機，控制力相對會較優勝，所帶來之分析力及空間感會相對高增益（High Gain）較為有優勢，因為動鐵類耳機比較易推動，用High Gain會相對較容易過推而引致過推而有機會有爆音的情況出現。High Gain適用於較難推動的耳機，例如大尺寸的動圈，靜電單元等等。如有足夠的力量就能帶動足夠的低頻下潛及整體的動態，能量感也相對比Low Gain更為充足。
Class A Mode
在Class A放大的情況下，音樂感會有提升，音樂背景也相對的乾淨和黑。音場會較為圓潤，呈圓形和有飽滿感。這效果會令人聲特別有感情之外，速度感相對地緩和，有惠於舊歌更會有韻味。帶有一點微暖使到音樂更加耐聽。
Class AB Mode
在Class AB Mode中，高和超高頻的線條感會較銳利，剌激感增加，聽電音和ACG的歌會有無窮的剌激和速度感。人聲和低頻的速度和收放的反應也快了，尤其低頻的回彈力收緊，對Band Sound和Dance Music會更突顯其節奏感和爽快感覺。
可換電功能
前者所提及“電”的重要性，Cayin又點會唔顧及呢個環節呢？C9的電源是用4粒18650的電池，隨包裝會附送工具以便用家更換心目中所想要的電池，以達致燒友心目中的極致的聲音同要求。
配搭心得及聽感
IEM：Unique Melody MEST HK Special+
CABLE：PWAudio Mercer Spider
EARTIPS：nFORM XTR
DAP：Lotoo PAW GOLD Touch
C9 - Pre-In / High Gain / 真空管模式 / Class AB Mode
喺呢個設置下，除了保留墨菊本身個味之餘，三頻會有平均提升。選擇Pre-In mode原因係喺Line-In Mode的話，音塲不及Pre-In mode，會顯得窄咗同有點侷促。High Gain 個結象凝聚力强，實淨的夥粒感比Low Gain來得豐富同飽實。選用真空管模式聽感會較柔和，電晶體模式會顯得會有小小毛燥和乾身感。Class AB Mode 突顯墨菊應有嘅分析力同橫向音場闊度，而Class A Mode雖比不上AB類呢個優點，但個背景會比AB類較黑同靜。
DAP：HiBy R8
C9 - Pre-In / Low Gain / 電晶體模式 / Class AB Mode
以保留R8的原汁原味為主，但增强了人聲的立體感同夥粒感，定位會比之前前返啲。高頻伸延有所受惠，尾音變得比之前last得耐。用了電晶體模式加强和剌激感大增，令本身斯文嘅R8附帶激情嘅元素，彌補其本身柔弱之處。
DAP：iBasso DX220MAX
C9 - Pre-In / Low Gain / 真空管模式 / Class A Mode
220MAX本身佢個中同高頻嘅分析力同分離度都十分之充足，如果用Line-In Mode的話就有機會令佢失色咗啲，有見及此用Pre-In Mode就會保留之餘，亦都可以修正噤放大下嘅不足之處，就好似太太剌激嘅高同超高頻，用C9嘅真空管模式就可以調味同修正之用啦。選用Class A Mode會令到整體有微暖感。至於用Low Gain嘅目的係因為High Gain會可能太沖，但有人就係可能鐘意DX220MAX個剌激感，如果係就請用High Gain Mode吧，因而自己嘅取向而作出接近自己喜好嘅setting。
DAP：Cayin N8 Brass Black (WEM Ver.)
C9 - Line-In / Low Gain / 真空管模式 / Class AB Mode
N8本身個Lineout設計係無得調較大細聲，即係C9一定要用Line-In Mode，而N8個設定Lineout項目入面只有Low/Mid/High，而我係set Low，呢個做法會帶出更佳的分析同空間感。因為C9的Pre-In Mode係Full Power出，無論你部N8 set任何一個段嘅Lineout，都會十分十分之大聲，用家切記切記C9的Pre-In功能係要你知道個音源係什麼種類先好用！
C9的 Low Gain會帶出分析力嘅仔細度Detail位有所加乘，High Gain 側如上一項所講，可能會太衝同剌激。選擇真空管模式會令整個音樂感會有順滑同流暢感，因為N8性格都十分剛烈，要用一點點柔化劑啲膽去攞返個平衡度。至於Class A 同 Class AB Mode作出一個選擇，會有點困難，因為兩者分别很小，不過一定要揀，我就用AB Mode，因為之前所要柔化同減低DX220MAX嘅動作太多，要用AB Mode去修靚整體線條感同速度感，達至三頻平均嘅音感。
DAP：Sony NW-WM1A （黑磚）
C9 - Pre-In / Low Gain / 真空管模式 / Class A Mode
C9的Pre-In可謂是完美地配合Sony的DAP似的，照以上嘅setting的話，對本身黑磚天生嘅柔弱感同輕盈會一掃而空。黑磚部機自身set High Gain，而C9 set Low Gain Mode，令聲音不帶一點粗暴，細緻嘅分析力盡量避免在因放大而受影響。用真空管模式可以令高頻嘅伸延及順滑度來得重同埋自然，更加順耳同耐聽。Class A Mode大大會令底燥減少，背景顯得純靜，更無底燥。而最大個變化係低頻下潛個深度同埋個包圍感，加深咗下潛使到蹤向音場更加深，立體感比起沒有用C9嘅有著非常明顯分别！
總結
在便攜耳擴的市場上，已經有很多種類和款式可以選擇，可是要做到旗艦級的真的選擇不多。而用上真空管，又是平衝放大的也寥寥可數。不單如止，C9還有可選擇的雙輸入單端3.5和平衡4.4）、Class A/AB、Pre-in/ Line-in、真空管/電晶體、可換電池的功能，令到聲音有不同的變化的配搭，塑造很多可能性，如果某一個模式玩厭了可以調動一下組合便會有新的味道，其可玩性在各“旗艦”級別中已經無一個品牌能做到，感覺上令人百玩不厭的一部便攜耳擴。
C9規格表
建議零售價: $15,999
Sponsored by Premium Sound Asia
[Facebook Group] : [WEM 本地耳機及音響交流區]
[MEWE Group] : [WEM 本地耳機及音響交流區]
[Facebook 專頁] : Facebook WEM Media
[WEM Media 網頁] : WEM Media
